बताव ए साहेब, किसान काहे मरता।
चाउर, आटा, चीनी, चारों ओरी सरता।।
धरती के जोति-जोति अन्न पैदा कइनी
भरपेट रोटी हम,कबहूँ ना पवनी
दिल्ली में बइठ के, रेट तय करता।
बताव ए साहेब..............
कहीं पड़े सूखा, कहीं बाढ़ आवै
कबो शीतलहरी, जुलूमवा मचावै
खड़े फसल में, आँधी, पत्थर पड़ता।
बताव ए साहेब..............
चप्पल और जूता बिना, बेवाई फाट ताटे
हमरा लरिकवा के, चीथड़ा झूलत वाटे
सोरहो सिंगार, कुकुरा तोहार करता।
बताव ए साहेब..............
मेहनत से हमनीका, करी जा किसानी
दुधवा से महंगा, बेचा ताटे पानी
घाटा के सौदा, किसान केवल करता।
बताव ए साहेब..............
हमनीके मेहनत से, मिले तन्खवाह हो
लूटी-लूटी कइल, हमनी के तबाह हो
इअन्नदाता, खुदकुशी करता।
बताव ए साहेब..............।
धरती के जंग में, पूंजी के रंग बा
सरकारी जवान में, संविधान संगबा
विकास के नाम पर, इ देशमें के बेचता।
बताव ए साहेब..............।
मनवा के बात कहे, खेती किसानी से
दिलवा के बात पूंजीपतिया अडानी से
तनवा के बात स्मृति इरानी से
जीयते यशोदाबेन के जीवन नरक करता।
बताव ए साहेब..............।
थाकि गइनी माँगत-2, मिल ना अनुदान हो
पूंजीपति करेंले, तोहरे बखान हो
सबका पेट भरे वाला, भूखे पेट रहता।
बताव ए साहेब..............।
0 टिप्पणियाँ:
एक टिप्पणी भेजें